星期三, 6月 17, 2009

奇遇陸川

話說今日真係奇遇.  annie成日話我生活係big fish 既世界, 本黎我都係一笑置之, 但越到後來越覺得幾合理.
上次佢話完可以介紹我同李嘉誠打工, 月薪一百萬.  ok, 聽住先.
今次佢話佢而家搞緊電影, 今日約左南京!南京!既導演陸川傾合作計畫. 問我有冇興趣一齊去. fine,i'm glad to hear that.
點知...



真係見到陸川!!!! Orz Orz Orz!!!!

"這真是太神奇了, 傑克."

都好呀, 橫掂我都有好多關於南京!南京既問題想請教陸川, 等我總結問到既野先:

1. 套戲由開始策劃到上映都有重重困難, 內容亦都改左好多次, 但好難話係因為有人不滿內容敏感而被迫讓步,定係自己不斷改進個劇本.
陸川話無可否認影片既表現係受到審批制度制肘, 但我地應該要欣賞佢地點樣係外界既圈圈下都依然能夠展現既藝術成就.

2. 日軍係入城式跳既舞, 展現既係日本人既美同莊嚴. 因為陸川想教育大陸d憤青唔好以為日本人只係曉燒殺搶掠既惡魔, 佢地對自己文化既重視, 執著, 民族既優越感, 先至令佢地夠膽挑戰全世界.

不過呢d其實都對記者講過, 未講既係, 呢個儀式係國家機器, 意志既體現. 國家機器既可怕之處在於, 即使係角川呢種反對戰爭既人, 都會不自覺地受影響而順從. 悲哀既係呢種機器既源頭係人類既劣根性, 而並唔係日本獨有.

3. 陸劍雄同角川, 一個姓陸, 一個最尾有川字. 佢地合埋就係陸川. 呢個暗示冇幾個人睇到, 但係呢個係套戲既精髓之一. 戲入面除左角川, 每一個人都只描寫左性格既一個剪影, 但係呢d剪影加埋角川呢個比較豐富既人物,合埋一齊先係一個完整既人. 而呢出戲所講既, 只不過係一個關於人, 而唔係關於惡魔既故事.

4. 佢地有人飛去日本, 秘密放影南京南京比太子睇, 佢喊到一塌糊塗.

基本上套戲值得分享既係咁多~

佢個人呢, 就係好典型既文藝青年. 不過超有自信lor點先, 佢認為南京!南京!係能夠同舒特拉的名單相提並論既作品.
其實唔算100%認同, 不過無可否認呢出戲絕對係一出傑作!






1 則留言:

匿名 說...

Hi, my PC could recognize and install my USB Key but I cannot look at it.

I surfed the [url=http://www.best-usb-flash-drive.com]greatest USB flash drive reviews[/url] but didn¡¯t find any information to my issure.

Any guy know what to do about this?

Thanks in advance.